Nigeriya terma jamoasi va "Ayaks"ning sobiq qanot himoyachisi Tidjani Babangida jiddiy baxtsiz hodisaga uchradi, natijada uning ukasi Ibrohim vafot etdi, futbolchining o‘zi va uning rafiqasi kasalxonaga yotqizildi. Bu haqda BBC xabar bermoqda.
Manbaga ko‘ra, voqea futbolchining vatanida, Kaduna va Zariya shaharlari o‘rtasida sodir bo‘lgan.
Ibrohim Babangida 47 yoshida vafot etdi. U ham professional futbolchi bo‘lgan va 1997 yildan 2002 yilgacha Niderlandiyaning "Volendam" jamoasida o‘ynagan.
Eslatib o‘tamiz, 50 yoshli Tidjani Babangida 1996 yilgi Olimpiada chempioni hisoblanadi. Nigeriya terma jamoasi uchun u barcha turnirlarda 40 ta o‘yinda qatnashib, 5 ta gol urgan. Babangida "Ayaks" tarkibida 102 ta o‘yin o‘tkazib, 24 ta gol urdi va 15 ta golli uzatmani amalga oshirdi.
