Нигерия терма жамоаси ва "Аякс"нинг собиқ қанот ҳимоячиси Тиджани Бабангида жиддий бахтсиз ҳодисага учради, натижада унинг укаси Иброҳим вафот этди, футболчининг ўзи ва унинг рафиқаси касалхонага ётқизилди. Бу ҳақда BBC хабар бермоқда.
Манбага кўра, воқеа футболчининг ватанида, Кадуна ва Зария шаҳарлари ўртасида содир бўлган.
Иброҳим Бабангида 47 ёшида вафот этди. У ҳам профессионал футболчи бўлган ва 1997 йилдан 2002 йилгача Нидерландиянинг "Волендам" жамоасида ўйнаган.
Эслатиб ўтамиз, 50 ёшли Тиджани Бабангида 1996 йилги Олимпиада чемпиони ҳисобланади. Нигерия терма жамоаси учун у барча турнирларда 40 та ўйинда қатнашиб, 5 та гол урган. Бабангида "Аякс" таркибида 102 та ўйин ўтказиб, 24 та гол урди ва 15 та голли узатмани амалга оширди.
