Dortmundliklar Edin Terzich bilan shartnomani uzaytirish bo‘yicha muzokaralarni boshlamagan.

Bosh murabbiyning amaldagi shartnomasi 2025 yilning yoziga qadar mo‘ljallangan. Chempionlar ligasi finaliga chiqqaniga qaramay, Dortmund klubi rahbariyati hozircha uni uzaytirish masalasini muhokama qilmoqchi emas. Muzokaralar keyingi mavsumning birinchi yarmidan so‘ng boshlanadi.

Terzich jamoa bilan yozgi mavsumoldi mashg‘ulotlarini o‘tkazishi rejalashtirilgan. 41 yoshli mutaxassis faoliyatining ba’zi jihatlari, xususan, uning fidoyiligi, ichki iyerarxiya masalalarida to‘g‘ri qarorlar qabul qilishi, top-klublar bilan o‘yinlardagi jiddiy muvaffaqiyatlar va taktik taraqqiyot "Borussiya" rahbarlarini hayratda qoldirdi.

Shu bilan birga, jamoa hozirda beshinchi o‘rinni egallab turgan Bundesligadagi vaziyat ularni qoniqtirmayapti, deb xabar bermoqda Sky Sports Deustchland.