Дортмундликлар Эдин Терзич билан шартномани узайтириш бўйича музокараларни бошламаган.

Бош мураббийнинг амалдаги шартномаси 2025 йилнинг ёзига қадар мўлжалланган. Чемпионлар лигаси финалига чиққанига қарамай, Дортмунд клуби раҳбарияти ҳозирча уни узайтириш масаласини муҳокама қилмоқчи эмас. Музокаралар кейинги мавсумнинг биринчи ярмидан сўнг бошланади.

Терзич жамоа билан ёзги мавсумолди машғулотларини ўтказиши режалаштирилган. 41 ёшли мутахассис фаолиятининг баъзи жиҳатлари, хусусан, унинг фидойилиги, ички иерархия масалаларида тўғри қарорлар қабул қилиши, топ-клублар билан ўйинлардаги жиддий муваффақиятлар ва тактик тараққиёт "Боруссия" раҳбарларини ҳайратда қолдирди.

Шу билан бирга, жамоа ҳозирда бешинчи ўринни эгаллаб турган Бундеслигадаги вазият уларни қониқтирмаяпти, деб хабар бермоқда Sky Sports Deustchland.