Alan Shirer hozirgi "MYU"ni xotirasidagi eng yomoni deb atadi.

APLning 37-turida "mankunianliklar" “Arsenal”ga yutqazdi (0:1). "Menimcha, bu men hayotimda ko‘rgan eng yomon "Manchester Yunayted" jamoasi edi.

Ularning harakatlarini inkor eta olmaysiz - ular "Arsenal"ga qarshi o‘yinda qo‘llaridan kelganicha harakat qilishdi.

Ammo ularning qobiliyatlari nuqtai nazaridan - va men bilaman, ularda juda ko‘p jarohat bor - bu hayotimda ko‘rgan eng yomon "Yunayted" deb ayta olaman.

Ular shu qadar uzoq vaqtdan beri tanazzulga yuz tutdiki, ularga tepaga yaqinlashish uchun uzoq vaqt kerak bo‘ladi.

Ular bundan juda uzoqda. Jarohat tufayli safdan chiqqan o‘yinchilarning barchasi tuzalib ketsa ham, «Siti», «Liverpul» yoki «Arsenal» darajasiga yetishi uchun ancha vaqt kerak bo‘ladi. Ular bu klublardan million mil uzoqlikda, hattoki bu o‘yinchilar bilan ham", dedi Angliya terma jamoasining sobiq hujumchisi The Rest is Football podkastida.