Superliga 7-turidan o‘rin olgan "Nasaf" – "Bunyodkor" (0:0) uchrashuvidan so‘ng mehmonlar bosh murabbiyi Ilyos Zeytullayev o‘z fikrlarini bildirib o‘tdi.

"Bugun futbolchilar o‘zlarini nimaga qodir ekanliklarini isbotlash uchun ham harakat qilishdi. "Bunyodkor" oxirgi o‘rinlarda yuradigan jamoa emas, biz bu vazifani bosqichma-bosqich uddalashimizga ishonamiz.

Albatta, qizil kartochka o‘yinga ta’sir o‘tkazdi. Kuchli raqibga qarshi 10 kishi harakat qilish oson emas. Mezbonlarga imkon qadar bo‘sh hudud qoldirmaslikka intildik.

Bugungi durang biz uchun g‘alabaga teng. Boisi, "Nasaf" singari kuchli klublar bilan o‘yinda ochko qo‘lga kiritilishi jamoa ruhiyatini ko‘tarishga, yigitlarda o‘zlariga bo‘lgan ishonchni oshirishga xizmat qiladi", — dedi Zeytullayev.