"Chelsi" bosh murabbiyi Maurisio Pochettino "Brayton"ga qarshi o‘yin oldidan raqibiga baho berdi.
“Menga De Dzerbiga qarshi o‘ynash yoqadi. Uning o‘yinga yondashuvi yoqadi. "Brayton" ajoyib natijalarni ko‘rsatmoqda. Jamoaning qanday o‘ynaganiga va so‘nggi yillarda erishgan yutuqlariga nazar tashlasangiz, De Dzerbi fantastik murabbiy ekanligi ayon bo‘ladi.
Vaqti kelib, u boshqa pozisiyada bo‘lish imkoniyatiga ega bo‘ladi. "Brayton"da katta imkoniyatlar bor. Men De Dzerbini ko‘rganimdan xursand bo‘laman, chunki bizda juda yaxshi munosabatlar bor”, — dedi Pochettino jurnalistlarga.
"Brayton" - "Chelsi" uchrashuvi 15 may kuni bo‘lib o‘tadi.