"Челси" бош мураббийи Маурисио Почеттино "Брайтон"га қарши ўйин олдидан рақибига баҳо берди.
“Менга Де Дзербига қарши ўйнаш ёқади. Унинг ўйинга ёндашуви ёқади. "Брайтон" ажойиб натижаларни кўрсатмоқда. Жамоанинг қандай ўйнаганига ва сўнгги йилларда эришган ютуқларига назар ташласангиз, Де Дзерби фантастик мураббий эканлиги аён бўлади.
Вақти келиб, у бошқа позицияда бўлиш имкониятига эга бўлади. "Брайтон"да катта имкониятлар бор. Мен Де Дзербини кўрганимдан хурсанд бўламан, чунки бизда жуда яхши муносабатлар бор”, — деди Почеттино журналистларга.
"Брайтон" - "Челси" учрашуви 15 май куни бўлиб ўтади.
