"Barselona" yozda Luis Diasni sotib olmoqchi.

Mundo Deportivo nashri xabariga ko‘ra, kolumbiyalik futbolchi kataloniyaliklar uchun chap qanot hujumi pozisiyasi uchun ustuvor variant hisoblanadi. Qayd etilishicha, Dias “Barselona”ga o‘tishga tayyor va “Liverpul” vingerining otasi Luis “Blaugrana”da o‘ynashni orzu qilishini aytgan.

Qayd etilishicha, Diasning transferiga “Barselona”ning moliyaviy qiyinchiliklari to‘sqinlik qilishi mumkin, biroq klub kelasi yozda tarkibini kuchaytirish tarafdori. Jamoa yozda kattaroq sotuvni amalga oshirsa, Dias bilan kelishuvga erishishi mumkin.

Luis Diasning "Liverpul" bilan shartnomasi 2027 yilgacha mo‘ljallangan. Qayd etilishicha, mersisaydliklar futbolchini 75 million funtga baholagan.