"Барселона" ёзда Луис Диасни сотиб олмоқчи.
Mundo Deportivo нашри хабарига кўра, колумбиялик футболчи каталонияликлар учун чап қанот ҳужуми позицияси учун устувор вариант ҳисобланади. Қайд этилишича, Диас “Барселона”га ўтишга тайёр ва “Ливерпуль” вингерининг отаси Луис “Блауграна”да ўйнашни орзу қилишини айтган.
Қайд этилишича, Диаснинг трансферига “Барселона”нинг молиявий қийинчиликлари тўсқинлик қилиши мумкин, бироқ клуб келаси ёзда таркибини кучайтириш тарафдори. Жамоа ёзда каттароқ сотувни амалга оширса, Диас билан келишувга эришиши мумкин.
Луис Диаснинг "Ливерпуль" билан шартномаси 2027 йилгача мўлжалланган. Қайд этилишича, мерсисайдликлар футболчини 75 миллион фунтга баҳолаган.
