Endrik "Real Madrid"ga transferi doirasida allaqachon 11,25 million yevro bonuslarni faollashtirgan.

"Palmeyras"da to‘p tepayotgan "Real"ning bo‘lajak futbolchisi 10 may kuni Libertadores kubogi doirasida Montevidoning "Liverpul" jamoasiga qarshi o‘yinda (5:0) gol urdi.

Endrikning har 5 ta goliga Madridliklar "Palmeyras"ga qo‘shimcha 2,5 million yevro to‘laydi. "Liverpul" darvozasiga urilgan gol Endrik uchun transfer shartnomasini imzolaganidan beri 20-gol bo‘ldi.

Shu tariqa, u allaqachon to‘rtta bonusni faollashtirgan, "Palmeyras" esa qo‘shimcha 10 million yevro oladi. Ushbu bonuslar uchun gol chegarasi 25 ta bilan cheklangan va bunda Braziliya terma jamoasi uchun gollar hisobga olinmaydi.

Qayd etilganidek, "Palmeyras" futbolchi Braziliya terma jamoasiga chaqirilgani uchun yana 1,25 million oladi. Maksimal, Braziliya klubida Endrik 12,5 million yevro bonusni faollashtirishi mumkin.

Braziliyalik futbolchi 35 million yevro evaziga "Real"ga o‘tadi, yana 25 millioni esa shartnomaga bonus sifatida kiritilgan.