Эндрик "Реал Мадрид"га трансфери доирасида аллақачон 11,25 миллион евро бонусларни фаоллаштирган.

"Палмейрас"да тўп тепаётган "Реал"нинг бўлажак футболчиси 10 май куни Либертадорес кубоги доирасида Монтевидонинг "Ливерпуль" жамоасига қарши ўйинда (5:0) гол урди.

Эндрикнинг ҳар 5 та голига Мадридликлар "Палмейрас"га қўшимча 2,5 миллион евро тўлайди. "Ливерпуль" дарвозасига урилган гол Эндрик учун трансфер шартномасини имзолаганидан бери 20-гол бўлди.

Шу тариқа, у аллақачон тўртта бонусни фаоллаштирган, "Палмейрас" эса қўшимча 10 миллион евро олади. Ушбу бонуслар учун гол чегараси 25 та билан чекланган ва бунда Бразилия терма жамоаси учун голлар ҳисобга олинмайди.

Қайд этилганидек, "Палмейрас" футболчи Бразилия терма жамоасига чақирилгани учун яна 1,25 миллион олади. Максимал, Бразилия клубида Эндрик 12,5 миллион евро бонусни фаоллаштириши мумкин.

Бразилиялик футболчи 35 миллион евро эвазига "Реал"га ўтади, яна 25 миллиони эса шартномага бонус сифатида киритилган.