Angliya chempionatining 34-turidan o‘rin olgan qoldirilgan o‘yinda “Manchester Siti” Londonda “Tottenxem” mehmoni bo‘lib, o‘yinning ikkinchi bo‘limida ikkita gol urib, g‘alaba qozondi. Ma’lum bo‘lishicha, bu “Manchester Siti”ning “Tottenxem”ning yangi stadionida ilk g‘alabasi bo‘ldi, bungacha klublar o‘zaro besh marta o‘ynagan – “Shaharliklar” to‘rt marta mag‘lub bo‘lgan va bir bor durang o‘ynagan.
Endi "Manchester Siti" Angliya chempionatining so‘nggi turida "Vest Xem"ga qarshi o‘ynaydi, g‘alaba Pep Gvardiola shogirdlariga chempionlikni taqdim etadi.
