Xabaringiz bor, «Manchester Siti» va «Jirona» klublarining egasi bitta hisoblanadi. UYEFA talabiga ko‘ra, egasi bir bo‘lgan klublar bir musobaqada ishtirok eta olmaydi.

Shuning uchun UYEFA "Manchester Siti" egalariga murojaat qilib, o‘zlarining "Jirona"dagi ulushining bir qismini sotishni so‘radi. Agar "City Football Group" kompaniyasi bu ishni qilmasa, "Siti" yoki "Jirona" Chempionlar ligasida ishtirok etmaydi. Ko‘p ehtimol bilan kataloniyaliklar Yevropa ligasiga o‘tkazib yuborilishi mumkin. Bu haqda "The Times" xabar tarqatdi.

"City Football Group" «Manchester Siti» klubiga 100 foiz egalik qilsa, «Jirona»ning 47% aksiyasi egasi hisoblanadi. UYEFA talabiga ko‘ra, kompaniyaning "Jirona"dagi ulushi 30 foizdan kamayishi kerak.