Londonning "Chelsi" klubi "Palmeyras" vingeri Estevao Villian uchun kurashda boshqa top-klublarni mag‘lub etishga qaror qildi. Jurnalist Fabrisio Romanoning xabariga ko‘ra, "ko‘klar" 17 yoshli braziliyalikning transferi bo‘yicha yaxshilangan taklif tayyorlamoqda.
“Chelsi” avvalroq Villian bilan shaxsiy shartnoma shartlarini kelishib olgandi. Maurisio Pochettino jamoasi futbolchi uchun zudlik bilan 30 million, kelajakda esa bonuslar ko‘rinishida 20 million to‘lashga tayyor edi, ammo bunday shartlar "Palmeyras"ga to‘g‘ri kelmadi.
Estevaoga avvalroq "Real" va "Bavariya" ham da’vogarlik qilgandi, ammo bu klublar hali transfer bo‘yicha hech qanday qadam tashlamagan.
