Лондоннинг "Челси" клуби "Палмейрас" вингери Эстевао Виллиан учун курашда бошқа топ-клубларни мағлуб этишга қарор қилди. Журналист Фабрицио Романонинг хабарига кўра, "кўклар" 17 ёшли бразилияликнинг трансфери бўйича яхшиланган таклиф тайёрламоқда.
“Челси” аввалроқ Виллиан билан шахсий шартнома шартларини келишиб олганди. Маурисио Почеттино жамоаси футболчи учун зудлик билан 30 миллион, келажакда эса бонуслар кўринишида 20 миллион тўлашга тайёр эди, аммо бундай шартлар "Палмейрас"га тўғри келмади.
Эстеваога аввалроқ "Реал" ва "Бавария" ҳам даъвогарлик қилганди, аммо бу клублар ҳали трансфер бўйича ҳеч қандай қадам ташламаган.
