"Nyukasl" yarim himoyachisi Bruno Gimaraesni yo‘qotmoqchi emas. Caught Offside xabariga ko‘ra, rahbariyatning xohishiga qaramay, braziliyalik futbolchini jamoada saqlab qolish qiyin bo‘ladi.
Gimaraes kelasi mavsumda Chempionlar ligasida o‘ynashni xohlaydi, "Nyukasl" buni ta’minlay olmaydi. Klub 90 million yevrolik takliflarni ko‘rib chiqishga majbur bo‘ladi. “Manchester Siti” 26 yoshli Gimaraesga asosiy da’vogar sifatida ko‘rilmoqda.
Yarim himoyachini Londonning “Arsenal” klubi ham faol kuzatib bormoqda. Biroq manbaning xabariga ko‘ra, "kanonirlar" braziliyalik uchun katta miqdorda pul to‘lamoqchi emas. Bruno joriy mavsum Angliya chempionatida 6 ta gol urdi va 6 ta golli uzatmani amalga oshirdi.
