"Ньюкасл" ярим ҳимоячиси Бруно Гимараэсни йўқотмоқчи эмас. Caught Offside хабарига кўра, раҳбариятнинг хоҳишига қарамай, бразилиялик футболчини жамоада сақлаб қолиш қийин бўлади.

Гимараэс келаси мавсумда Чемпионлар лигасида ўйнашни хоҳлайди, "Ньюкасл" буни таъминлай олмайди. Клуб 90 миллион евролик таклифларни кўриб чиқишга мажбур бўлади. “Манчестер Сити” 26 ёшли Гимараэсга асосий даъвогар сифатида кўрилмоқда.

Ярим ҳимоячини Лондоннинг “Арсенал” клуби ҳам фаол кузатиб бормоқда. Бироқ манбанинг хабарига кўра, "канонирлар" бразилиялик учун катта миқдорда пул тўламоқчи эмас. Бруно жорий мавсум Англия чемпионатида 6 та гол урди ва 6 та голли узатмани амалга оширди.