"Aston Villa" yozda "PSJ" yarim himoyachisini o‘z safiga qo‘shib olishi mumkin. L'Equipe ma’lumotlariga ko‘ra, Birmingem klubi parijliklar jamoasida 2022 yilning yozidan buyon o‘ynab kelayotgan Karlos Solerning transferi bo‘yicha muzokaralarni davom ettirmoqda.
Manbaning ta’kidlashicha, "Aston Villa" bir necha oy davomida ushbu shartnoma ustida ishlamoqda. Solerning o‘zi Angliya Premyer-ligasiga o‘tishga va Unai Emeri boshchiligida ishlashga tayyor.
O‘yinchi barqaror o‘yin amaliyotiga ega bo‘lishni xohlaydi. Joriy Fransiya chempionatida 27 yoshli Soler 22 o‘yin o‘tkazib, bitta gol va ikkita golli uzatmaga mualliflik qilgan.
