"Астон Вилла" ёзда "ПСЖ" ярим ҳимоячисини ўз сафига қўшиб олиши мумкин. L'Equipe маълумотларига кўра, Бирмингем клуби парижликлар жамоасида 2022 йилнинг ёзидан буён ўйнаб келаётган Карлос Солернинг трансфери бўйича музокараларни давом эттирмоқда.
Манбанинг таъкидлашича, "Астон Вилла" бир неча ой давомида ушбу шартнома устида ишламоқда. Солернинг ўзи Англия Премьер-лигасига ўтишга ва Унаи Эмери бошчилигида ишлашга тайёр.
Ўйинчи барқарор ўйин амалиётига эга бўлишни хоҳлайди. Жорий Франция чемпионатида 27 ёшли Солер 22 ўйин ўтказиб, битта гол ва иккита голли узатмага муаллифлик қилган.
