Maurisio Pochettino keyingi mavsumda ham «Chelsi»da qoladi.

London klubi kelasi hafta murabbiyning ishiga baho beradi. "The Guardian" nashrining yozishicha, Pochettino yuqori boshqaruv jamoasidagilar tomonidan qo‘llab-quvvatlanadi.

Klub iyerarxiyasida ko‘zga ko‘ringan o‘rinlarni egallab turgan "Chelsi" rahbarlari, eng oqilona qaror Pochettinoni saqlab qolish bo‘ladi, deb hisoblashadi. Kengashning ba’zi a’zolari argentinalik bilan ishlashni davom ettirishga ishonchlari komil emas, ammo har qanday o‘zgartirishlar bir ovozdan ma’qullanishini talab qiladi.

Qayd etilishicha, bir necha hafta oldin klub Pochettinoni ishdan bo‘shatishga moyil bo‘lgan, biroq "ko‘klar"ning so‘nggi natijalari fikrni o‘zgartirgan.

Premyer-liganing joriy mavsumida “Chelsi” 60 ochko to‘pladi va 37 turdan keyin turnir jadvalida 6-o‘rinda bormoqda.