Маурисио Почеттино кейинги мавсумда ҳам «Челси»да қолади.

Лондон клуби келаси ҳафта мураббийнинг ишига баҳо беради. "The Guardian" нашрининг ёзишича, Почеттино юқори бошқарув жамоасидагилар томонидан қўллаб-қувватланади.

Клуб иерархиясида кўзга кўринган ўринларни эгаллаб турган "Челси" раҳбарлари, энг оқилона қарор Почеттинони сақлаб қолиш бўлади, деб ҳисоблашади. Кенгашнинг баъзи аъзолари аргентиналик билан ишлашни давом эттиришга ишончлари комил эмас, аммо ҳар қандай ўзгартиришлар бир овоздан маъқулланишини талаб қилади.

Қайд этилишича, бир неча ҳафта олдин клуб Почеттинони ишдан бўшатишга мойил бўлган, бироқ "кўклар"нинг сўнгги натижалари фикрни ўзгартирган.

Премьер-лиганинг жорий мавсумида “Челси” 60 очко тўплади ва 37 турдан кейин турнир жадвалида 6-ўринда бормоқда.