Joan Laporta Xavi Ernandesning kechagi nutqi tufayli g‘azablangan.

“Barselona” bosh murabbiyi klubning moliyaviy ahvoli haqida gapirib, uning iqtisodiy ahvoli “Real” va Yevropaning boshqa jamoalaridan ham yomonroq ekanini ta’kidladi.

COPE jurnalisti Yelena Kondisning so‘zlariga ko‘ra, bu nutq klub prezidenti va boshqaruvining bir qismini g‘azablantirgan. Laporta atrofidagilarning ta’kidlashicha, Xavi kelasi mavsumda bosh murabbiy sifatida qola olmaydi.

Klub rahbarlari mutaxassisning kelajagi bo‘yicha qaror qabul qilish uchun prezidentga bosim o‘tkazishmoqda.

Xavining atrofidagilar unga mavsum oxirida jamoani tark etishni tavsiya qilishmoqda, deb xabar beradi Carrusel Deportivo.