Жоан Лапорта Хави Эрнандеснинг кечаги нутқи туфайли ғазабланган.
“Барселона” бош мураббийи клубнинг молиявий аҳволи ҳақида гапириб, унинг иқтисодий аҳволи “Реал” ва Европанинг бошқа жамоаларидан ҳам ёмонроқ эканини таъкидлади.
COPE журналисти Елена Кондиснинг сўзларига кўра, бу нутқ клуб президенти ва бошқарувининг бир қисмини ғазаблантирган. Лапорта атрофидагиларнинг таъкидлашича, Хави келаси мавсумда бош мураббий сифатида қола олмайди.
Клуб раҳбарлари мутахассиснинг келажаги бўйича қарор қабул қилиш учун президентга босим ўтказишмоқда.
Хавининг атрофидагилар унга мавсум охирида жамоани тарк этишни тавсия қилишмоқда, деб хабар беради Carrusel Deportivo.
