FIFA prezidenti lavozimini egallab turgan Janni Infantino VAR tizimi ishida yuzaga kelishi mumkin bo‘lgan o‘zgarishlar haqida gapirdi. Yaqin kelajakda murabbiylar vaziyatni ko‘rish uchun videoyordamchilarga yuzlanishlari mumkin.
G‘oya shundan iboratki, bitta murabbiyda har bir o‘yinda ikkitadan shunday imkoniyat bo‘ladi. Agar hakamning dastlabki qarori to‘g‘ri bo‘lsa, VAR bilan bog‘lanish uchun bitta imkoniyat tugaydi, lekin agar hakam dastlab xatoga yo‘l qo‘ygan bo‘lsa, bu variant murabbiyga qaytariladi. Infantinoning aytishicha, bunday tizim allaqachon sinovdan o‘tkazilmoqda.
