Mashhur braziliyalik futbolchi Neymar Junior ukrainalik Aleksandr Usikka qarshi chempionlik jangi arafasida britaniyalik bokschi Tayson Fyuriga murojaat qildi.

Fyuri va Usik bugun, 18 may kuni Saudiya Arabistonida og‘ir vazn toifasida mutlaq jahon chempioni unvoni uchun jang qiladi.

"Salom, Tayson Fyuri. Bugun ajoyib jang o‘tkazasiz degan umiddaman. O‘z ishingizni qiling. Omad!", - dedi Neymar ijtimoiy tarmoqlardagi videoda.

Tayson Fyuri professional boksda 35 ta jang o‘tkazib, 34 tasida g‘alaba qozongan (1 durang). Aleksandr Usik 21 ta jangda 21 ta g‘alabaga erishgan.