"Liverpul" bosh murabbiyi Yurgen Klopp joriy mavsum yakunida jamoani tark etganidan keyin ingliz jamoalariga boshqa murabbiylik qilmasligini ta’kidladi.
"Haqiqatdan ham ketish oson emas. "Mayns"da so‘nggi o‘yin yaqinlashayotganida, agar Bundesligaga chiqsak, qolaman, degandim. Ammo boshqa jamoa g‘alaba qozondi va biz buni uddalay olmadik.
Endi hamma narsa butunlay boshqacha. So‘nggi o‘yindan oldin ham hamma mening ketishimni biladi.
Bu mening faoliyatimdagi yuz foiz uzoq tanaffus bo‘ladi. Angliyadagi vaqtim aniq tugadi, chunki men bu yerda boshqa jamoalarga murabbiylik qilmayman. Agar murabbiylikda davom etsam, bu Angliyada bo‘lmaydi. Bunday narsa bo‘lmaydi", - dedi Klopp Mirror bilan suhbatda.
Bugun, 19 may kuni Klopp “Liverpul” boshqaruvidagi so‘nggi uchrashuvini o‘tkazadi. "Qizillar"ning raqibi "Vulverxempton" bo‘ladi.
