"Ливерпуль" бош мураббийи Юрген Клопп жорий мавсум якунида жамоани тарк этганидан кейин инглиз жамоаларига бошқа мураббийлик қилмаслигини таъкидлади.
"Ҳақиқатдан ҳам кетиш осон эмас. "Майнц"да сўнгги ўйин яқинлашаётганида, агар Бундеслигага чиқсак, қоламан, дегандим. Аммо бошқа жамоа ғалаба қозонди ва биз буни уддалай олмадик.
Энди ҳамма нарса бутунлай бошқача. Сўнгги ўйиндан олдин ҳам ҳамма менинг кетишимни билади.
Бу менинг фаолиятимдаги юз фоиз узоқ танаффус бўлади. Англиядаги вақтим аниқ тугади, чунки мен бу ерда бошқа жамоаларга мураббийлик қилмайман. Агар мураббийликда давом этсам, бу Англияда бўлмайди. Бундай нарса бўлмайди", - деди Клопп Mirror билан суҳбатда.
Бугун, 19 май куни Клопп “Ливерпуль” бошқарувидаги сўнгги учрашувини ўтказади. "Қизиллар"нинг рақиби "Вулверхэмптон" бўлади.
