"Union Berlin" Bundesligadagi o‘rnini rasman saqlab qoldi.
Endi poytaxt jamoasi yangi bosh murabbiy nomi borasida bir qarorga keldi. Kicker xabariga ko‘ra, bu katta ehtimol bilan "Mayns"ning sobiq murabbiyi Bo Svensson bo‘ladi.
Klub va murabbiylar kelajakda hamkorlik qilish borasida muzokaralar olib bormoqda. Svensson o‘tgan yilning noyabr oyida bir qator yomon natijalardan so‘ng "Mayns"ni tark etdi.
"Union" mavsum yakunida 33 ochko to‘plashga muvaffaq bo‘ldi va 15-o‘rinni egallab, qo‘shimcha ko‘rsatkichlar bo‘yicha "Boxum"ni ortda qoldirdi, bu jamoa ham 33 ochkoga ega, ammo jadvalda 16-o‘rinni egalladi.
