"Унион Берлин" Бундеслигадаги ўрнини расман сақлаб қолди.
Энди пойтахт жамоаси янги бош мураббий номи борасида бир қарорга келди. Kicker хабарига кўра, бу катта эҳтимол билан "Майнц"нинг собиқ мураббийи Бо Свенссон бўлади.
Клуб ва мураббийлар келажакда ҳамкорлик қилиш борасида музокаралар олиб бормоқда. Свенссон ўтган йилнинг ноябрь ойида бир қатор ёмон натижалардан сўнг "Майнц"ни тарк этди.
"Унион" мавсум якунида 33 очко тўплашга муваффақ бўлди ва 15-ўринни эгаллаб, қўшимча кўрсаткичлар бўйича "Бохум"ни ортда қолдирди, бу жамоа ҳам 33 очкога эга, аммо жадвалда 16-ўринни эгаллади.
