“Borussiya Dortmund” “Chelsi”dan Ian Matsenni sotib olishni rejalashtirmoqda.

Jurnalist Patrik Bergerning xabar berishicha, dortmundliklar klubda ijara asosida o‘ynayotgan 22 yoshli himoyachi uchun taklif tayyorlamoqda. Matsenni sotib olish "Borussiya"ning ustuvor vazifasi - uning to‘liq transferi klubning yozgi birinchi xaridiga aylanishi kutilmoqda.

Qayd etilishicha, Matsen ham "Borussiya"da qolishdan manfaatdor. "Chelsi" himoyachisining tovon puli 35 million yevroni tashkil qiladi, ammo Dortmundliklar bu narxni pasaytirishga harakat qiladi.

Bundesliga yakunlangan mavsumida Matsen "Borussiya" tarkibida 16 ta o‘yin o‘tkazib, 2 ta gol va 2 ta golli uzatmani amalga oshirdi.