Niderlandiyalik mutaxassis Arne Slot "Liverpul" bosh murabbiyi lavozimiga o‘tishi haqida fikr bildirdi.
45 yoshli murabbiy 1 iyun kuni Angliyada ishlash uchun lisenziya olganidan so‘ng o‘z lavozimiga kirishadi.
“Albatta, ko‘p ajoyib lahzalarni boshdan kechirgan klubni tark etish oson qaror emas.
Ammo dunyoning eng yirik klublaridan birida Premyer-ligada bosh murabbiyi bo‘lish imkoniyatini e’tiborsiz qoldirish qiyin. Men “Feyenoord”dan minnatdorman.
Bu jamoadagi uch yilim menga juda yoqdi. Uch yil ichida yevrokubok finaliga qadar yetib borganimiz va bir nechta sovrinlarni qo‘lga kiritganimiz meni g‘ururlantirmoqda. "Feyenoord"ga va bu ajoyib klub haqida qayg‘uradigan barchaga kelajak uchun eng yaxshi tilaklarimni tilayman", - deya Slot so‘zlarini keltiradi niderland klubi matbuot xizmati.
