Нидерландиялик мутахассис Арне Слот "Ливерпуль" бош мураббийи лавозимига ўтиши ҳақида фикр билдирди.

45 ёшли мураббий 1 июнь куни Англияда ишлаш учун лицензия олганидан сўнг ўз лавозимига киришади.

“Албатта, кўп ажойиб лаҳзаларни бошдан кечирган клубни тарк этиш осон қарор эмас.

Аммо дунёнинг энг йирик клубларидан бирида Премьер-лигада бош мураббийи бўлиш имкониятини эътиборсиз қолдириш қийин. Мен “Фейеноорд”дан миннатдорман.

Бу жамоадаги уч йилим менга жуда ёқди. Уч йил ичида еврокубок финалига қадар етиб борганимиз ва бир нечта совринларни қўлга киритганимиз мени ғурурлантирмоқда. "Фейеноорд"га ва бу ажойиб клуб ҳақида қайғурадиган барчага келажак учун энг яхши тилакларимни тилайман", - дея Слот сўзларини келтиради нидерланд клуби матбуот хизмати.