Koul Palmer "Chelsi" uchun o‘tgan mavsumni sarhisob qildi.

APLning so‘nggi 38-turida londonliklar “Bornmut”ni mag‘lub etishdi (2:1). "Chelsi" mavsumni turnir jadvalida 6-o‘rinda yakunladi va kelasi mavsumda yevrokuboklarda ishtirok etadi.

"So‘nggi beshta o‘yinda biz mavsum boshidagidan ko‘ra birdamroq bo‘ldik. Ko‘p narsa sodir bo‘lyapti. Yarim himoyadan gol uradiganlar kam. Moyzes Kaysedoning goli yaxshi edi, shunday emasmi?

Tyago Silva futboldagi eng yaxshi markaziy himoyachilardan biri. Haqiqiy afsona.

Bizda yosh, ilhomlantiruvchi jamoa bor. Agar biz qattiq ishlashda davom etsak, bizni ajoyib narsalar kutmoqda, deb o‘ylayman”, dedi “Chelsi” yarim himoyachisi.