Italiyalik jurnalist Fabrisio Romano o‘zining ijtimoiy tarmoqlarida kutilmagan fikrni joylashtirdi. Manba bergan xabarga ko‘ra, "Manchester Siti"ning asosiy darvozaboni Ederson yozgi transfer oynasida jamoasini tark etishi mumkin.
Xabar qilinishicha, agar yaxshi taklif tushsa, Ederson ketish haqida o‘ylaydi. Futbolchiga Saudiya Arabistoni jamoalari qiziqish bildirmoqda. Braziliyalik futbolchi yaqin orada boshqa qit’aga ko‘chib o‘tishini istisno qilmayapti.
30 yoshli Ederson "Manchester Siti"da 2017 yildan beri o‘ynab kelmoqda. Braziliyalik futbolchi klub bilan 6 marta Premyer-liga va bir marta Chempionlar ligasida g‘alaba qozonishga muvaffaq bo‘ldi.
