"Real Madrid" va Germaniya terma jamoasi yarim himoyachisi Toni Kroos 2024 yilgi Yevropa chempionatidan so‘ng faoliyatini yakunlaydi. Bu haqda jurnalist Florian Plattenberg xabar beradi.

34 yoshli Kroos joriy mavsumda barcha turnirlarda 45 ta o‘yinda maydonga tushib, 1 ta gol va 8 ta golli uzatmaga mualliflik qilgan. Transfermarkt portalida berilgan ma’lumotlarga ko‘ra, futbolchining bozor qiymati 12 million yevroni tashkil qiladi.

2024 yilgi Yevropa chempionati Germaniyada bo‘lib o‘tadi. Turnir 14 iyundan 14 iyulga qadar davom etadi.