Rossiyalik figurali uchuvchilar Yekaterina Geynish va Dmitriy Chigirev O‘zbekiston terma jamoasi sharafini himoya qiladi.
Bu haqda TASS nashri xabar bermoqda.
"Geynish va Chigirev keyingi mavsumdan boshlab, musobaqalarda O‘zbekiston terma jamoasi nomidan ishtirok etishga tayyorgarlik ko‘rmoqda. Mahalliylashtirishga oid hujjatlar kerakli joyga taqdim etilgan", deyiladi manba xabarida.
Ma’lumot uchun, Yekaterina Geynish va Dmitriy Chigirev sport juftligi yo‘nalishida chiqish qiladi. Ular Moskva chempionati hamda Kubok bosqichi g‘olibi hisoblanadi.
Yekaterina Geynish 2006 yil 18 mart kuni, Dmitriy Chigirev esa 2001 yil 1 aprelda Moskvada tug‘ilgan. Ular juftlikda Rossiyadagi bir qancha mahalliy musobaqalar g‘olib va sovrindorlariga aylangan.
Shuningdek, Dmitriy Chigirev Olimpiya o‘yinlari sovrindori Yevgeniya Medvedevaning qaylig‘i ekanini ta’kidlash lozim.
