"Real"ning bo‘lajak yangi futbolchisi Kilian Mbappe yozgi Olimpiada o‘yinlarida qatnashmaydi.

25 yoshli forvard joriy mavsum oxirida parijliklarni tark etadi va shundan so‘ng erkin agent sifatida "Real"ga o‘tadi. Jurnalist Arancha Rodrigesning yozishicha, Mbappe Fransiya olimpiya terma jamoasiga kelasi yozda o‘tkaziladigan uy turnirida yordam bermaydi. Aksincha, yulduz futbolchi yangi mavsumga “qirollik klubi” joylashgan joyda tayyorgarlik ko‘radi.

Kilian Mbappening "Real"ga o‘tishi hali rasman tasdiqlanmagan, biroq hal qilingan masala sifatida qaralmoqda. Kelishuv Chempionlar ligasi finalidan so‘ng (1 iyun) e’lon qilinadi, unda "qirollik klubi" Dortmundning "Borussiya"siga qarshi o‘ynaydi.