"Реал"нинг бўлажак янги футболчиси Килиан Мбаппе ёзги Олимпиада ўйинларида қатнашмайди.

25 ёшли форвард жорий мавсум охирида парижликларни тарк этади ва шундан сўнг эркин агент сифатида "Реал"га ўтади. Журналист Аранча Родригеснинг ёзишича, Мбаппе Франция олимпия терма жамоасига келаси ёзда ўтказиладиган уй турнирида ёрдам бермайди. Аксинча, юлдуз футболчи янги мавсумга “қироллик клуби” жойлашган жойда тайёргарлик кўради.

Килиан Мбаппенинг "Реал"га ўтиши ҳали расман тасдиқланмаган, бироқ ҳал қилинган масала сифатида қаралмоқда. Келишув Чемпионлар лигаси финалидан сўнг (1 июнь) эълон қилинади, унда "қироллик клуби" Дортмунднинг "Боруссия"сига қарши ўйнайди.