"Manchester Yunayted" sobiq futbolchisi Gari Nevill futbol rivojiga kimning hissasini eng katta deb bilishini aytdi. Sobiq angliyalik himoyachi nafaqat muvaffaqiyatli murabbiyga aylangan, balki butun o‘yinga inqilobiy ta’sir o‘tkazgan "Manchester Siti" bosh murabbiyi Pep Gvardiolaning ishini qayd etdi.
"Agar siz mendan bu avlodda futbolga kim ko‘proq ta’sir o‘tkazganini so‘rasangiz, ehtimol Gvardiola deb javob bergan bo‘lardim. Uning hissasi butun Yevropada ko‘rinadi va u barcha davrlarning eng zo‘r jamoasini qurdi", dedi Nevill.
Pep Gvardiola 2016 yildan beri "Manchester Siti"da ishlab kelmoqda. Bungacha ispaniyalik "Bavariya" va "Barselona"ni boshqargan.