"Манчестер Юнайтед" собиқ футболчиси Гари Невилл футбол ривожига кимнинг ҳиссасини энг катта деб билишини айтди. Собиқ англиялик ҳимоячи нафақат муваффақиятли мураббийга айланган, балки бутун ўйинга инқилобий таъсир ўтказган "Манчестер Сити" бош мураббийи Пеп Гвардиоланинг ишини қайд этди.
"Агар сиз мендан бу авлодда футболга ким кўпроқ таъсир ўтказганини сўрасангиз, эҳтимол Гвардиола деб жавоб берган бўлардим. Унинг ҳиссаси бутун Европада кўринади ва у барча даврларнинг энг зўр жамоасини қурди", деди Невилл.
Пеп Гвардиола 2016 йилдан бери "Манчестер Сити"да ишлаб келмоқда. Бунгача испаниялик "Бавария" ва "Барселона"ни бошқарган.