«Chelsi»ning sobiq bosh murabbiyi Maurisio Pochettinoga «Bavariya» qiziqmayapti. Jurnalist Florian Plettenberg xabariga ko‘ra, ayni damda nemis jamoasi argentinalik mutaxassis bilan aloqaga chiqmagan.
Qayd etilishicha, «Bavariya» avvalroq Pochettinoga qiziqish bildirgan, biroq Maurisio murabbiylik uchun nomzodlar qatoriga kirmagan. Myunxen klubi katta ehtimol bilan o‘tgan Premyer-ligada «Byornli»ni elitada saqlab qola olmagan Vensan Kompanini yangi murabbiy etib tayinlaydi.
Eslatib o‘tamiz, Pochettino «Chelsi» bilan Angliya chempionatini oltinchi o‘rinda yakunlagandi. Maurisio va klub o‘zaro kelishuvga ko‘ra yo‘llarini ajratishga qaror qilishdi.
