«Челси»нинг собиқ бош мураббийи Маурисио Почеттинога «Бавария» қизиқмаяпти. Журналист Флориан Плеттенберг хабарига кўра, айни дамда немис жамоаси аргентиналик мутахассис билан алоқага чиқмаган.
Қайд этилишича, «Бавария» аввалроқ Почеттинога қизиқиш билдирган, бироқ Маурисио мураббийлик учун номзодлар қаторига кирмаган. Мюнхен клуби катта эҳтимол билан ўтган Премьер-лигада «Бёрнли»ни элитада сақлаб қола олмаган Венсан Компанини янги мураббий этиб тайинлайди.
Эслатиб ўтамиз, Почеттино «Челси» билан Англия чемпионатини олтинчи ўринда якунлаганди. Маурисио ва клуб ўзаро келишувга кўра йўлларини ажратишга қарор қилишди.
