Troy Dini Premyer-ligada VAR tizimini bekor qilish tarafdori ekanligini aytdi.
Oldinroq "Vulverxempton" liga rahbariyatiga videotakrorlarni bekor qilishga chaqiruvchi so‘rov yuborgandi.
"Bu mavsumda Premyer-ligadagi eng yomon hodisalar VAR bilan bog‘liq bo‘ldi, 100 foiz. Rostini aytsam, bu bema’nilik edi va barcha muhokamalar va bo‘lajak liga ovozlari bilan men undan qutulish kerak degan fikrga qat’iy qo‘shilaman.
Bu hakamlarning o‘yinni o‘zlari xohlagancha nazorat qilishlariga va uchrashuvga foyda keltiradigan qarorlar qabul qilishlariga to‘sqinlik qildi.
Uning qo‘llanilishi ba’zi dangasalikka yo‘l qo‘ydi. Insoniy jihat butunlay yo‘qoldi va biz uni qaytarishimiz kerak", - dedi “Uotford”ning sobiq futbolchisi.
