Olivye Jiru Yevro-2024 dan keyin Fransiya terma jamoasidagi faoliyatini yakunlaydi.
«Albatta, terma jamoada o‘ynashni sog‘inaman, ammo vaqtim tugayapti. Biz yoshlarga yo‘l berishimiz kerak», - dedi «Milan» hujumchisi.
37 yoshli Jiru Fransiya terma jamoasida 2011 yildan buyon o‘ynab kelmoqda. U milliy terma jamoa safida 131 ta o‘yin o‘tkazib, 57 ta gol urgan (rekord ko‘rsatkich).
Hujumchi "uch ranglilar" bilan birgalikda 2018 yilda Rossiyada bo‘lib o‘tgan jahon chempionatida g‘olib chiqdi. Shuningdek, u jamoa tarkibida Millatlar ligasida (2021) g‘olib chiqdi va Qatarda bo‘lib o‘tgan 2022 yilgi Jahon chempionati va Yevro-2016 o‘yinlarining kumush medali sohibiga aylandi.
Yevro-2024 Germaniyada 14 iyundan 14 iyulgacha bo‘lib o‘tadi.