Оливье Жиру Евро-2024 дан кейин Франция терма жамоасидаги фаолиятини якунлайди.
«Албатта, терма жамоада ўйнашни соғинаман, аммо вақтим тугаяпти. Биз ёшларга йўл беришимиз керак», - деди «Милан» ҳужумчиси.
37 ёшли Жиру Франция терма жамоасида 2011 йилдан буён ўйнаб келмоқда. У миллий терма жамоа сафида 131 та ўйин ўтказиб, 57 та гол урган (рекорд кўрсаткич).
Ҳужумчи "уч ранглилар" билан биргаликда 2018 йилда Россияда бўлиб ўтган жаҳон чемпионатида ғолиб чиқди. Шунингдек, у жамоа таркибида Миллатлар лигасида (2021) ғолиб чиқди ва Қатарда бўлиб ўтган 2022 йилги Жаҳон чемпионати ва Евро-2016 ўйинларининг кумуш медали соҳибига айланди.
Евро-2024 Германияда 14 июндан 14 июлгача бўлиб ўтади.