«Bayer»ning «An-Nasr» hujumchisi Krishtianu Ronalduga qiziqishi haqidagi ma’lumotlar soxta bo‘lib chiqdi.

Oldinroq saudiyalik jurnalist Alxaza Mutab Leverkuzen klubi bosh murabbiyi Xabi Alonso 39 yoshli portugaliyalikni shu yozda sotib olishni istayotgani haqida xabar bergandi.

Insayder olingan ma’lumot manbalariga iqtibos keltirmadi, ammo aprel oyida Ronaldu «Bayer»ga o‘tishi mumkinligi haqida ma’lumot paydo bo‘lgandi. Keyin "LLF" akkaunti bu haqda "Bild"ga havola bilan ijtimoiy tarmoqlarda xabar berdi. Nemis jurnalistlari o‘zlarining nashrlarida bu haqda hech qanday xabar yo‘qligini aytishdi. Bundan tashqari, "LLF" hisobining nomi "La Liga Fradus" (La Liga firibgarlari) degan ma’noni anglatadi.

Krishtianu Ronaldu 2023/24 yilgi mavsumda «An-Nasr» safida to‘p tepdi, forvard 43 ta o‘yinda 42 ta gol urdi va 13 ta golli uzatmani amalga oshirdi. Futbolchining Saudiya Arabistoni klubi bilan shartnomasi 2025 yilning iyun oyi oxirigacha amal qiladi.