Maurisio Pochettino «Chelsi» bilan shartnomasini bekor qilganidan keyin tovon puli oladi.

London klubi va argentinalik mutaxassis avvalroq jamoa Premyer-ligada oltinchi o‘rinni egallagan mavsumdan so‘ng hamkorlikni to‘xtatishga kelishib olgandi.

"Talksport" xabariga ko‘ra, murabbiyning tovon puli uch million funtni tashkil qiladi.

Shuningdek, «Lester»ni boshqarayotgan Enso Mareska «Chelsi» bosh murabbiyi lavozimida Maurisio Pochettino o‘rnini egallashi mumkinligi ma’lum qilingan.

Londonliklar mutaxassis bilan muzokara o‘tkazish uchun ruxsat so‘rab murojaat qilmoqchi.

Murabbiyning «Lester» bilan shartnomasida tovon puli 7,5 million funt etib belgilangan.