Маурисио Почеттино «Челси» билан шартномасини бекор қилганидан кейин товон пули олади.
Лондон клуби ва аргентиналик мутахассис аввалроқ жамоа Премьер-лигада олтинчи ўринни эгаллаган мавсумдан сўнг ҳамкорликни тўхтатишга келишиб олганди.
"Talksport" хабарига кўра, мураббийнинг товон пули уч миллион фунтни ташкил қилади.
Шунингдек, «Лестер»ни бошқараётган Энцо Мареска «Челси» бош мураббийи лавозимида Маурисио Почеттино ўрнини эгаллаши мумкинлиги маълум қилинган.
Лондонликлар мутахассис билан музокара ўтказиш учун рухсат сўраб мурожаат қилмоқчи.
Мураббийнинг «Лестер» билан шартномасида товон пули 7,5 миллион фунт этиб белгиланган.
