"Bavariya"ni tark etayotgan Tomas Tuxel Angliya Premyer-ligasiga qaytishi mumkin.
Myunxenliklar fevral oyida germaniyalik murabbiy bilan xayrlashishga qaror qilishgan, biroq yaqinda tomonlar hamkorlikni davom ettirish masalasini muhokama qilishgan - bu natija bermagan. Jurnalist Kristian Falkning so‘zlariga ko‘ra, "Bavariya" Tuxel bilan muzokaralar buzilishining asosiy sabablaridan biri uning "Manchester Yunayted" bilan o‘sha paytga qadar erishilgan kelishuvi bo‘lganiga ishonmoqda.
Bugungi kunda Erik ten Xag "qizil iblislar" murabbiyi bo‘lib qolmoqda. Ko‘plab mish-mishlarga ko‘ra, niderlandiyalik mutaxassis shanba kuni bo‘lib o‘tadigan Angliya kubogi finalida “Manchester Siti”ga qarshi o‘yindan so‘ng iste’foga chiqariladi, biroq mutaxassisning o‘zi bu ma’lumotni inkor etmoqda.
